Þýskaland smíðar „örkina“ fyrir loftslagsgögn Bandaríkjanna
Vísindastofnanir í Þýskalandi hafa hafið umfangsmikið verkefni til að vista öryggisafrit af loftslagsgögnum Bandaríkjanna til að verja þau gegn pólitískri íhlutun.
Í miðborg Hamborgar í Þýskalandi vinna tæknimenn nú að því að setja upp mikinn tölvubúnað sem á að hýsa afrit af bandarískum loftslagslíkönum. Verkefnið, sem nefnist CMIP7-ark, miðar að því að tryggja að mikilvægar rannsóknir bandarískra vísindamanna fyrir næstu loftslagsskýrslu Sameinuðu þjóðanna glatist ekki eða verði fyrir hnjaski af völdum stjórnvalda í Bandaríkjunum. Þýska stjórnin hefur lagt um 35 milljónir dollara í verkefnið til að veita þessum gögnum griðastað, enda óttast margir að pólitískir vindar í Washington gætu leitt til þess að gögnum verði eytt eða aðgangi að þeim lokað.
