Rússar herja á Kænugarð á nýjan leik með flugskeytum og drónum
Rússneskar hersveitir gerðu harðar loftárásir á Kænugarð í nótt. Eldar komu upp í skólabyggingum og íbúðarhúsum, en úkraínsk stjórnvöld segja loftárásirnar hafa verið linnulausar síðustu daga.
Rússneskar hersveitir létu flugskeytum og drónum rigna yfir Kænugarð í nótt, að sögn úkraínska flughersins. Vitali Klitschko, borgarstjóri, staðfestir að ráðist hafi verið á mörg hverfi borgarinnar. Í Solomianskyi-hverfinu féllu flugskeytaleifar í húsagarð íbúðarhúss og eldur kom upp í menntastofnun. Þá var einnig ráðist á stjórnsýslubyggingu og mikll eldur kom upp í fjölbýlishúsi í Holosiivskyi-hverfinu eftir að dróni var skotinn niður. Björgunarlið kom tíu manns til hjálpar úr brennandi byggingum. Rússar hafa herjað á borgina dag og nótt undanfarið, en tveir létust og 26 slösuðust í árásum síðasta mánudags.
Hvað þýðir þetta fyrir Ísland?
Stríðið í Úkraínu hefur haft veruleg áhrif á íslenskt samfélag, bæði í gegnum móttöku flóttafólks og efnahagslegar afleiðingar á orku- og matvælaverð sem íslenskir neytendur hafa fundið fyrir.
