Hraðakstur ungmenna færist í aukana á samfélagsmiðlum

Akstursíþróttasamband Íslands (AKÍS) leitar nú leiða til að sporna við hættulegum akstri ungmenna á götum úti og beina áhuga þeirra frekar inn á öruggan vettvang akstursíþrótta. Samkvæmt sambandinu hefur tæknin breytt miklu, þar sem „heimskuleg“ atferli á borð við hraðakstur skila nú mörgum „lækum“ og deilingum á miðlum eins og TikTok, sem hvetur fleiri til að gera slíkt hið sama. Áður fyrr voru slík glappaskot aðeins fyrir augum fárra, en nú eru þau notuð sem tæki til að öðlast sýnileika á netinu.