Óheppileg mistök hjá KSÍ á verðlaunaafhendingu

Magnús Haukur Harðarson, sparkspekingur og fótboltaþjálfari, vakti í kvöld athygli á vandræðalegum mistökum hjá Knattspyrnusambandi Íslands (KSÍ). Eftir úrslitaleik í 3. flokki kvenna, þar sem KR sigraði HK í vítaspyrnukeppni, fengu leikmenn HK silfurpeninga sem voru rangt merktir. Að sögn Magnúsar er það „gjörsamlega óþolandi“ að ekki sé gætt betur að slíkum smáatriðum á svo stóru móti, en peningarnir virðast hafa verið ætlaðir öðrum árgangi eða flokki.