ESA höfðar mál gegn Íslandi hjá EFTA-dómstólnum vegna bókunar 35

Eftirlitsstofnun EFTA (ESA) hefur formlega höfðað mál gegn Íslandi fyrir EFTA-dómstólnum í Lúxemborg vegna bókunar 35 við EES-samninginn. ESA telur að íslensk lög tryggi ekki nægilega vel að EES-reglur hafi forgang ef þær rekast á við innlendar lagareglur. Stofnunin hefur fylgst með þessu síðan 2012 og hefur nú ákveðið að láta á málið reyna fyrir dómi þar sem úrbætur hafa ekki verið taldar fullnægjandi.