Pete Hegseth boðar stóraukinn mátt bandaríska hersins

Pete Hegseth, varnarmálaráðherra Bandaríkjanna, greindi frá áformum sínum í ítarlegri ræðu sem marka á stefnuna í hernaðarmálum næstu ára. Áhersla er lögð á aukna notkun sjálfvirkra vopnakerfa og nýsköpun í samstarfi við tæknifyrirtæki á borð við SpaceX og aðra aðila í einkageiranum. Hegseth leggur áherslu á að Bandaríkin verði að viðhalda yfirburðum sínum á öllum vígstöðvum, allt frá neðanjarðarbyrgjum til ytri geims.