Orkuveitu Reykjavíkur verður mögulega breytt í hlutafélag – Félagaformið til endurskoðunar

Breytingar á rekstrarformi Orkuveitu Reykjavíkur eru nú í farvatninu hjá Reykjavíkurborg. Samkvæmt fundargerð borgarráðs hefur verið lögð fram trúnaðarmerkt umsögn um málið frá borgarlögmanni og fjármálasviði. Heimildin hefur fengið það staðfest að til skoðunar sé að breyta fyrirtækinu úr sameignarfélagi, en slíkt hefur áhrif á ábyrgð eigenda og fjárhagslega stýringu fyrirtækisins. Ekki er enn ljóst hvert lokafyrirkomulagið verður en vinna stendur yfir við greiningu á kostum og göllum breytinganna.