Bjarki Kaldalóns Friis: Snarpur jarðskjálfti fannst vel á höfuðborgarsvæðinu

Snarpur jarðskjálfti af stærðinni 3,4 reið yfir austur af Kleifarvatni og Brennisteinsfjöllum klukkan tuttugu mínútur fyrir eitt í dag. Bjarki Kaldalóns Friis, náttúruvársérfræðingur á Veðurstofu Íslands, segir að á annan tug eftirskjálfta hafi fylgt í kjölfarið. Skjálftinn fannst vel í byggð á höfuðborgarsvæðinu, meðal annars í Efstaleiti þar sem höfuðstöðvar RÚV eru til húsa. Veðurstofan hefur fengið fjölda tilkynninga frá fólki sem varð vart við hristinginn.