Gul viðvörun gæti verið vanmat á stormi sem reif þök á Siglufirði

Djúp haustlægð gekk yfir landið með miklum stormi, rigningu og hríð. Veðurhamurinn var einna mestur nyrst á Tröllaskaga, þar sem mikið tjón varð á eignum á Siglufirði. Þök rifnuðu af húsum, rúður brotnuðu og björgunarsveitir áttu erfitt með að festa brak og lausamuni. Fyrir þann landshluta var gefin gul veðurviðvörun.

Kristín Björg Ólafsdóttir, sérfræðingur í veðurfarsrannsóknum á Veðurstofunni, segir veðrið heilt yfir að hafi verið í takt við spár. Hins vegar segir hún að verið sé að skoða hvort hefði átt að setja hærra viðvörunarstig á Norðurland eystra. Mesti vindhraði á viðurkenndum mælum Veðurstofunnar á Siglufirði var 20,9 metrar á sekúndu, en hviður fóru upp í 40 metra.

Sigurbjörn Þorgeirsson, aðalvarðstjóri á Tröllaskaga, bendir á að vindmælingar á varðskipinu Freyju hafi sýnt hviður nærri 57 metrum á sekúndu, sem er verulega hærra en mælingar Veðurstofunnar. Hann segir að þrjú hús hafi fengið þök rifin af að hluta eða að öllu leyti og að þau hafi valdið skemmdum á öðrum eignum í kring. Eignatjón er enn verið að meta og hreinsunarstarf heldur áfram á næstu dögum.

Kristín bendir á að flókið landslag og staðbundið veður geri það erfitt að spá fyrir um veðrið á svæðinu og að æskilegt væri að hafa fleiri og betri veðurmæla nyrst á Tröllaskaga.