Heimir Guðjónsson tekur við karlaliði ÍA

Heimir Guðjónsson mun taka við stjórn karlaliðs ÍA í fótbolta og hefur undirritað þriggja ára samning við félagið. ÍA tilkynnti ráðningu Heimis á samfélagsmiðlum sínum í dag. Heimir kom frá Fylki þar sem hann var samningsbundinn og var ansi nálægt því að koma liðinu upp í Bestu deildina á þessu tímabili. Formaður knattspyrnudeildar ÍA, Eggert Herbertsson, sagði í viðtali á X977 að ÍA hefði borgað Fylki „einhverjar milljónir" fyrir Heim. Heimir hefur komið víða við á sínum þjálfaraferli. Hann þjálfaði FH frá 2008 til 2017 og vann með liðinu fimm Íslandsmeistaratitla. Síðan fór hann til Færeyja en hefur undanfarið þjálfað Val og Fylki. Sjálfur lék Heimir með ÍA frá 1998 til 1999.