Heilbrigðisnefndin fjallar um starfsleyfi Premium of Iceland

Ný starfsleyfisumsókn fiskvinnslunnar Premium of Iceland verður meðal mála sem Heilbrigðisnefndin Suðurnesja tekur fyrir á fundi í vikunni. Fyrirtækið hefur staðið í deilum við Heilbrigðiseftirlit Suðurnesja vegna starfleyfis síns á svæði sem til framtíðar er ætlað undir íbúabyggð.

Á sama svæði fer fram margvíslegur annar iðnaður og óvíst hvenær kemur til breytinga á hverfinu. Reykjanesbær hefur lýst því yfir að fyrirtækið eigi að geta starfað áfram á staðnum þar til önnur ákvörðun hefur verið tekin um framtíð svæðisins.