Rauða stjarnan fékk 17 milljóna króna sekt eftir Belgrad-slaginn
EuroLeague-aganefnd refaði báðum stórliðum Belgrad-borgar harðlega fyrir óeirðir í innbyrðis leik. Rauða stjarnan fékk þyngstu sektina, 115 þúsund evrur, og stuðningsmönnum hennar var meinað að mæta á næstu fimm útileiki.
Báðum stórliðum Belgrad-borgar, Rauðu stjörnunni og Partizan, hefur verið refsað harðlega af aganefnd EuroLeague í kjölfar mikilla óeirða og atvika í innbyrðis viðureign liðanna í 7. umferð EuroLeague-deildarinnar.
Rauða stjarnan fékk þyngsta dóm nefndarinnar og var sektað um 115 þúsund evrur, rúmar 17 milljónir króna. Auk þess hefur stuðningsmönnum liðsins verið meinað að mæta á næstu fimm útileiki liðsins í Evrópudeildinni. Partizan var sektað um 49 þúsund evrur, tæpar 7,3 milljónir króna.
Aganefnd EuroLeague rekur refsingarnar til margvíslegra brota í stúkunni: flugelda og blysa, móðgandi framkomu áhorfenda, notkunar leysigeisla, hluta sem kastað var inn á völlinn, innrásar á leikgólfið og ófullnægjandi öryggisgæslu.
Partizan vann leikinn með dramatískum hætti, 85–82 í framlengingu, þar sem Alessandro Pajola setti niður sigurþristinn á lokasekúndunum. Þrátt fyrir tapið situr Rauða stjarnan vel að vígi í efri hluta deildarinnar með sex sigra eftir níu umferðir (6–3), á meðan Partizan hefur tapað tveimur leikjum í röð síðan og situr utan tíu efstu sætanna með fjóra sigra og fimm töp (4–5).
