Aukasendingin: Leikmannamarkaðurinn hitnar og stór vika hjá kvennalandi

Nýr þáttur af Aukasendingunni er kominn í loftið með JónFrí, Snekkjupoppara og Árna Jó Strikeranum. Þeir fara yfir víðan völl í körfuboltanum og menningarlífinu.

Meðal helstu frétta vikunnar er að Ólafur Björn Gunnlaugsson hefur yfirgefið Keflavík og er að öllum líkindum á leið til ÍR. Staðan á KR er krufin eftir sigur þeirra í Forsetahöllinni. Þáttarmenn rýna einnig í frammistöðu liða í Bónusdeildinni karla í fyrstu fimm umferðunum miðað við erfiða leikjadagskrá.

Fram undan er stórt landsliðsverkefni hjá A-landsliði kvenna með þrjá leiki á næstu tveimur vikum. Liðið leikur gegn Írlandi á miðvikudag og hefur síðan tvo heimaleiki í Laugardalshöll gegn Sviss og Aserbaídsjan.

Þáttarmenn kíkja einnig yfir í Bæjarins besta deild karla og taka fyrir fimm leikmenn sem hafa farið sérstaklega vel af stað. Að lokum er slegið á léttari strengi þegar JónFrí var að spila á Iceland Airwaves um helgina, og sérfræðingarnir setja saman hinn fullkomna byrjunarliðið skipað tónlistarmönnum frá hátíðinni.