Þriggja bíla árekstur veldur töfum í Garðabæ
Þriggja bíla árekstur varð á gatnamótum Vífilsstaðavegar og Hafnarfjarðarvegar í Garðabæ í kvöld. Engin slys urðu á fólki en gera má ráð fyrir töfum á umferð meðan á hreinsun stendur.
Þriggja bíla árekstur varð á gatnamótum Vífilsstaðavegar og Hafnarfjarðarvegar í Garðabæ í kvöld. Engin slys urðu á fólki, staðfestir Sigurjón Hendriksson, varðstjóri hjá slökkviliðinu á höfuðborgarsvæðinu. Gatnamótin eru staðsett skammt frá Hagkaup í Garðabæ og Olís við Hafnarfjarðarveg.
Slökkviliðið sendi dælubíl og sjúkrabíl á vettvang og var enn þar við hreinsun og fjarlægingu bílanna. Sigurjón gerir ráð fyrir að viðgerðarvinnan geti tekið á bilinu 45 til 60 mínútur til viðbótar.
Farþegar geta búist við töfum á umferð meðan á vinnunni stendur. Almennt er umferðin þung á þessum tíma dags.
