Ingvi Þór Guðmundsson hefur rift samningi við Ármann

Bakvörðurinn Ingvi Þór Guðmundsson hefur rift samningi sínum við Ármann og leikur ekki meira með félaginu í Bónusdeild karla í vetur. Samkvæmt heimildum Körfunnar er brottför hans frágengin og breytingarnar taka gildi þegar í stað.

Þetta er mikið högg fyrir Ármenninga sem sitja án stiga á botni deildarinnar eftir fimm fyrstu umferðirnar. Liðið á eftir að mæta Njarðvík á útivelli í kvöld.

Ingvi hefur verið í stóru hlutverki hjá Ármanni og er þriðji stigahæsti leikmaður félagsins. Hann er í öðru sæti yfir stoðsendingar með 12,0 stig og 4,2 stoðsendingar að meðaltali í leik. Ingvi gekk til liðs við félagið í desember á síðasta ári og reyndist þá lykilmaður í að halda liðinu uppi eftir að Ármann hafði tapað fyrstu átta leikjum tímabilsins.